Назарбаевтың «Кіші Отанындағы» үстірт: Жеке меншік Қырғызстан шекарасына дейін барады

Алматылық турист - тележүргізуші Вадим Шкляр орнатылған бөгет салдарынан Үшқоңыр үстіртіне жете алмағанын айтты.

«Үш Қоңыр. Өкініштісі, үстірттің өзіне жібермеді. Шлагбаум иесі жеке меншіктің Қырғызстан шекарасына дейін баратынын айтты. Бұл жай ғана қоршауы бар үй емес. Шығыста Шамалған өзенінен батыста Ұзын Қарғалыға дейінгі алып аумақ. Бұл Қазақстан, балақай… Туризм? Жоқ, олар ондайды естімеген…» деп жазды Шкляр өзінің парақшасында.

Ол «егер Үшқоңырдың жекеменшік жерлері тақырыбын жалғастыра берсек, бұл жай ғана тау үстіртіндегі сәнді жылжымайтын мүлік туралы мәселе емес» деп қосты.

«Былтыр мен Фабричныйдан келген жергілікті тұрғындармен сөйлестім. Олар Шамалған мен Ұзын Қарғалы арасындағы ашық жерлерде автоматшылар бейтаныс адамдарды ұстайтынын айтты. Кеше шлагбаумдағы форма киген адамдар аумақтың мемлекеттік шекараға дейін баратынын нанымды түрде түсіндірді. 300 шаршы шақырымдай жер учаскесі жекенің қолында болып шыққаны ма?» деп жазды Шкляр.

Айта кетсек, Үшқоңыр ауылы экс-президент Назарбаевтың «Кіші Отаны» атанған жер. Бұған дейін де адамдар үстірттің аумағы жабық болғандықтан, оның аумағына кіре алмаймыз деп бірнеше рет шағымданған.