Назарбаевтың күйеу баласы мен құдасы ұйымдасқан қылмыстық топ құрды – ІІМ

Молдава ішкі істер министрлігі тұңғыш президент Нұрсултан Назарбаевтың күйеу баласы Тимур Құлыбаев пен құдасы Қайрат Боранбаевты ұйымдасқан қылмыстық топ құрды деп айыптады.

Бұл туралы «Kozachkov offside» Telegram-арнасы жазды.

 «2003-2011 жылдары Молдова Республикасының азаматтарымен ұйымдасқан қылмыстық топтың мүшелері сыбайластық жасаған, аталған адамдар тобы негізінен Қазақстан Республикасының азаматтары болған. Олар тұрақты жиындар өткізіп тұрған және қылмыс жасау үшін алдын ала ұйымдасқан. Бұл топ Молдова Республикасының және басқа мемлекеттер аумағында әрекет етіп, кейбір адамдарға тиесілі мүлікті заңсыз иемдену мақсатын көздеген. Анатолий Стати мен С.А. Ascom-Grup «өзіне және өзі басқаратын компанияларға қатысты жала жабатын ақпаратты таратамын, оның ішінде Қазақстан Республикасындағы жоғарыда аталған компаниялардың барлық активтеріне қылмыс жасалған кезде 1 550 000 000 АҚШ долларын құраған активтерін мәжбүрлеп алып қоямыз деп қорқытқан» делінген құжатта.

 Міндетті түрде барлық ықтимал нұсқаларды тексеру үшін қылмысты жасаған немесе жасауға ықпал еткен бірнеше тұлға анықталды:

• 1. Гриншпун Эммануил Изея, 30.04.1971 ж.т;
•  2. Боранбаев Қайрат, 22.09.1966 ж.т.;
• 3. Александр Машкевич, 23.02.1954 ж.т.;
• 4. Кұлыбаев Тимур, 10.09.1966 ж.т.

Сонымер қатар, Молдова олардың істерін Швейцарияның, Венгрияның, Грецияның, Монаконың, Испанияның, Бельгияның, Португалияның, Францияның, Украинаның, Люксембургтің, Румынияның және басқа елдердің құзыретті органдарының қатысуын, Болгария, Қазақстан, Ресей, Латвия, Германия, Түркия, Италия, Австрия, Europol ұлттық байланыс нүктелерінің SIENA арналары арқылы тексеруді қамтамасыз етуін сұрады.

«INTERPOL, SELEC және BKBOI, аталған тұлғалардың осындай әрекеттерге қатысуы, жоғарыда аталған тұлғалар тіркеген шекарадан өтудің біріктірілген автоматтандырылған жүйесінен ақпарат (көлік бөлімшесі, борттағы адамдар және тасымалданатын заттар) 01.01.2003 жылдан қазіргі уақытқа дейін: жоғарыда аталған тұлғаға қатысты компроматтық сипаттағы кез келген ақпарат сұрау салған мемлекеттердің файлдарында қамтылған» делінген хабарламада.

Еске сала кетейік, 15 наурызда хабарланғандай, Боранбаевты Алматыда қаржы мониторингі агенттігі орталық аппараты қызметкерлері ұстаған.

Қайрат Боранбаев – Қазақстан ұлттық паралимпиада комитетінің басшысы, «Қайрат» ФК бақылау кеңесінің төрағасы және түрлі бизнестердің иесі, әрі еліміздегі ірі кәсіпкер.

Боранбаев Нұрсұлтан Назарбаевтың отбасымен туысқан. Қайрат Боранбаев – Қазақстанның экс-президенті Нұрсұлтан Назарбаевтың үлкен қызы Дариға Назарбаеваның құдасы. Боранбаевтың қызы Әлима 2013 жылы Дариға Назарбаеваның ортаншы ұлы Айсұлтан Назарбаевқа күйеуге шыққан. Айсұлтан 2020 жылы тамызда Лондонда қайтыс болды. Британдық БАҚ-тың хабарлауынша, оның өліміне кокаинды шамадан тыс қолдану себеп болған.

Айта кетейік, Назарбаевтың немере інісі Қайрат Сатыбалды да елден кетпек болған жерінде ұсталған болатын.