«Назарбаев қорына» тиесілі «Jusan bank» акцияларының мемлекетке қайту мәселесі түпкілікті шешілді.

Бұл туралы «DALA инсайд» telegram-арнасы хабарлайды.

«Дереккөз «Назарбаев қоры» тарапымен өткен ауыр келіссөздер нәтижесінде «Jusan bank-тің» мемлекеттің қол астына қайтуы бойынша жағымды шешім қабылданғанын хабарлады. Есесіне Самат Әбіш пен Қайрат Сатыбалды аса қатты қудаланбауы тиіс» делінген хабарламада.

Ол нені білдіреды?

«Jusan bank» (кезіндегі Цеснабанк) мемлекеттен 1,5 триллион теңге қаржылық қолдау тартқан. Соның есебінен, акционерлері – «First Heartland Securities» АҚ («Назарбаев қорына» бағынады). Ол 2020-2021 жылдары банктен 113 миллиард теңгені дивиденд ретінде шығарып алған.

«Бүгін «First Heartland Securities» АҚ Директор кеңесі төрағалығынан Асқар Сәрінжіповтың кеткені белгілі болды. Сонымен қатар кеңес құрамынан Назарбаевтың көп жылдан бергі көмекшісі, сенімді адамы Ербол Орынбаев та кетіп отыр. Бұл – «Назарбаев қорына» қарасты активтерді: «Jusan bank», «Назарбаев университеті» мен «Назарбаев Зияткерлік мектептерін» мемлекетке біртіндеп қайтару жұмысының басталғандығын білдіреді.

«Jusan bank» 2021 жылғы аудиттелген есебін әлі жарияламай отыр. Қалған банктердің барлығы жариялап қойды. Соған қарағанда, алдымен акционерге (Назарбаевқа) таза пайдадан толық дивидендтер төлетіп, шешім шығарып, содан кейін барып жариялайтын сияқты. Қазір бәрібір мемлекетке өтетін болғандықтан, Назарбаев қоры тарапынан «Jysan bank-ті» барынша сорып алуға деген талпыныс байқалады» делінген хабарламада.

Бөлісіңіз: