Назарбаев билігінің тамыры кесілді – Ертісбаев

Нұрсұлтан Назарбаевтың бұрынғы кеңесшісі, Қазақстанның бұрынғы мәдениет және ақпарат министрі Ермұхамет Ертісбаев тұңғыш президент туралы ойларымен бөлісті.

«Ответь Бажкеновой» жаңа шығарылымында Қазақстанның саясатының белсенді өкілі Ермұхамет Ертісбаевтың айтуынша, Рахат Әлиевтың сатқындығынан кейін Назарбаев ешкімге сенбеді.

– 2007 жылдың мамырындағы Рахат Әлиевтың саяси сатқындығынан кейін, Назарбаев ешкімге де сенім артқан жоқ. Ол президент болған кезде кеңседегілер де, «кітапханада» да, жалпы айналасындағылар Назарбаевты кез-келген жағымсыз ақпараттан алыс ұстады. Мен ештеңе жасырмаймын. Мен өз материалдарымды Елбасының көмекшілеріне жіберетінмін. Олар маған «бұл тым көп» деп жауап беретін. Ол материалдарды 30-40 минут қарайтын, сын да айтылды. Олар маған тек қана жағымды 2-3 минуттық үзінді беруді сұрайтын, – деді саясаткер.

Сонымер қатар, тұңғыш президенттің мүлкі туралы да ойларымен бөлісті. Ертісбаевтың айтуынша, президенттің өкілеттігін созу себебі – жиналған мүлкін «отбасына» қалдырғысы келді.

– Бірінші және екінші онжылдықта «отбасы» ашу тудырмаған. «Отбасы» деп тек туыстарын емес, Назарбаевтың ортасы мен кланын айтып тұрмын. Оның ішіне Мәсімов те, ресми Қазақстандағы ең бай адамы Владимир Ким де кіреді. Бұл клан өте үлкен. Оның ішіне олигархтар да, балалары мен туыстары да кіреді, – деді Ертісбаев.

Елбасының бұрынғы кеңесшісінің айтуынша, қазір Назарбаевтың болашаққа қандай жоспары болғаны маңызды емес, өйткені қазір билік толығымен Тоқаевтың қолында.

– Оның не ойлағаны қазір маңызды емес. Назарбаевтың билігі толығымен жойылды. Менің ойымша, Мәсімовтың қамауға алынуы – ҰҚК алдағы болар наразылық акциялардың қарқынын білсе де, ештеңе істемеді. Мәсімовтың қамалуының екінші себебі – арандатушылық. Менің есептеуім бойынша, 95% саяси наразылық білдірушілер, 5% қосылып алған тонаушылар, ұрылар, содырлар, кланмен байланысы бар жеке әскери құрылымдардың қатысушылары, – деп түйіндеді Ертісбаев.