Назарбаевтың «Қаңтар оқиғасы» кезінде қайда болғаны жарияланды

«Қаңтар оқиғасы» кезінде қазақстандықтар Қазақстан Республикасының Тұңғыш президенті – Елбасы Нұрсұлтан Назарбаевты іздеді. КазТАГ басылымының мәліметінше (басылымға сенімді дереккөз айтқан), Назарбаев оқиғаға дейін де, кейін де елде болыпты.

Дереккөздің мәліметіне сүйенсек, Назарбаев 3 қаңтарға дейін Алматы облысында болған. Туған ауылына барып, уақытының көп бөлігін өзі тұрақты демалатын Жамбыл ауданы мен Қарасай аудандарындағы үйлерінде өткізген.

«Алматыдағы жағдай ушыққан кезде, 4 қаңтар күні түнде оны Дулати көшесінің бойындағы резиденциясынан алып шығып, жасырын жолдармен әуежайға жеткізген. Бұған мемлекеттік күзет қызметінің бірқатар қызметкерлері мен Алматы қалалық жол полициясының арнайы батальоны куә болған» деп жазылған дереккөз ақпаратында.

Кейін Назарбаевтың 4-5 ақпан күндері Бурабайдағы резиденциясында демалғаны айтылған. Оның демалыс орынын арнайы жасақ күзеткен.