Назарбаевқа қатысы бар екі ГЭС-тің мемлекеттік үлесін сату тоқтатылды

Министрлер кабинеті Назарбаевқа қатысы бар екі ГЭС-тің мемлекеттік үлестерін сату жөніндегі тендерлерді тоқтатты.

Қазақстан үкіметі соңғы жылдары жекешелендіру ықтималдығы экс-президент Нұрсұлтан Назарбаевтың есімімен белсенді түрде байланыстырылған Өскемен және Шүлбі су электр станцияларының (СЭС) мемлекеттік үлестерін сату бойынша тендерлерді тоқтатты.

«Өскемен ГЭС-і және Шүлбі ГЭС-і жарғылық капиталындағы мемлекеттік қатысу үлестерін сату бойынша екі кезеңді рәсімдер арқылы конкурс өткізу туралы» Қазақстан Республикасы Үкіметінің 2021 жылғы 9 ақпандағы № 37 қаулысының күші жойылды деп танылсын» делінген қаулыда.

Еске сала кетейік, бұған дейін  үкіметтің БАӘ инвесторларының екі қазақстандық су электр стансасын (СЭС) әрі қарай жекешелендіруіне негіз болған құжатты Мәжілістен кері қайтарып алғанын хабарланған болатын. Бұл жоба да бұрынғы Қазақстан президенті Нұрсұлтан Назарбаевтың атымен байланысты болатын.

Назарбаевтың есімімен белсенді түрде байланыстырылған жоспарлар 2021 жылдың күзінде қоғамда екіұшты және негізінен сыни реакция тудырды. Сол кезде Энергетика министрі қызметін атқарған Мағзұм Мырзағалиев «біз сөйлесіп жатырмыз» деген. Ол әңгіме су электр стансаларын жекешелендіру туралы ғана емес, Қазақстан экономикасына шамамен 6 млрд доллар құйылатыны туралы» деген болатын. 2020 жылдың соңында Назарбаевтың БАӘ-ге сапары кезінде инвестициялық жобаларды жүзеге асыру туралы келісімдерге қол жеткізілгені, содан кейін қаржы мөлшері  – 6 миллиард доллар екені көпшілікке жарияланды.

6 қаңтарда «Самұрық-Қазына» ұлттық әл-ауқат қоры» АҚ акцияларының төлемі ретінде Өскемен және Шүлбі су электр станцияларының (СЭС) мемлекеттік үлестері аударылып жатқаны белгілі болды.