Дариға Назарбаева: балабақша тәрбиешілерінің жалақысы аз

Мәжіліс депутаты Дариға Назарбаева жалпы отырыста мемлекеттік тапсырыс бойынша қаржыландырылатын жекеменшік балабақшалар тәрбиешілері жалақысының төмендігі мәселесін көтерді.

Депутаттың айтуынша, мұғалімдер алуға құқылы жалақысын алып жүрген жоқ. Кәсіби мамандар жұмысынан айырылып, мекемелер жабылуда.

«Әкімдіктер бір балабақша тәрбиеленушісі үшін жан басына шаққандағы нормативтің мөлшерін ерікті түрде анықтайды, бұл белгіленген стандарттың орташа мөлшерінен әлдеқайда төмен. Түркістан облысында жан басына шаққандағы мөлшерлеме 25 500 теңге болып белгіленді, ал 2021 жылы ол қалалық жерлерде 37 527 теңгені, ал ауылдық жерлерде айына 41 053 теңгені құрауы керек», - деді Назарбаева.

Депутат өткен жылдың қазан айында білім беру мекемелерін қаржыландыру әдістемесіне ресми жалақыны көтеруді және еңбек демалысының ұзақтығын 56 күнге дейін арттыруды көздейтін түзетулер енгізілгенін атап өтті.

«Тапсырыс жергілікті деңгейде орындалмай жатыр, жекеменшік балабақшалардың тәрбиешілері еңбектері үшін лайықты сыйақы алмады», - деді депутат.

Назарбаева Білім министрлігінің басшысына өңірлерде мемлекеттік тапсырысты қалыптастыру мәселесін және жергілікті атқарушы органдардың қаражатты қалай бөлетінін анықтау туралы өтінішпен жүгінді.