Назарбаев университетіндегі дәретханада қыздарды суретке түсірген студент оқудан шығарылды

Назарбаев университетінде дау туғызған жағдайға байланысты студент кампустан шығарылды, деп хабарлайды Orda.kz. 

Университет студенті әйелдер дәретханасында болған оқиғадан кейін кампустан шығарылды. Оқу орнының баспасөз қызметі университеттегі қауіпсіздікті қамтамасыз ету үшін қатаң шаралар қабылданғанын хабарлады.

Еске салайық, Назарбаев университетінің студенті әйелдер дәретханасында қыздарды суретке түсірген.

Полиция Назарбаев университетінің әйелдер дәретханасында болған оқиғаны зерттеп жатыр. Университеттің баспасөз қызметі оқиға туралы ақпаратты растап, оқу орнында ішкі тергеу жүргізіліп, дәлелдер базасы жиналғанын атап өтті. Сондай-ақ университет өкілдері бұл іс бойынша сотқа дейінгі талқылау басталғанын, тексеріс барысы егжей-тегжейлі айтылмайтынын хабарлады.

Бейресми деректер бойынша, жас жігіттен әйелдер дәретханасында түсірген 30 бейне табылған.