Назарбаев университеті бұрынғы басшысын сотқа бермек

Назарбаев университеті бұрынғы президенті Шигео Катсуды сотқа берді деп хабарлайды Orda.kz KursivMedia-ға сілтеме жасап. 

Шигео Катсу университеттің қазіргі басшылығын жемқорлыққа айыптап, басқару жүйесіне мін таққан. Сондықтан университет оны сотқа берді. Іс АҚШ-та қаралатын көрінеді. Университет толық ақпарат ұсынбады. 

Шигео Катсу Назарбаев университетін 13 жыл бойы басқарып, 2023 жылдың көктемінде қызметінен кетті. Ал 2024 жылдың желтоқсанында Жоғары аудиторлық палата университетте 73 млрд теңгенің тиімсіз жұмсалғанын анықтады. Сол кезден бастап Катсу университеттің қазіргі басшылығын сынға алды. НУ басшылығы Катсудың сөздері шындыққа сәйкес келмейтінін айтып жатыр. Олар экс-президент өз кезіндегі қателіктердің жауапкершілігін басқаларға аударуға тырысып жатыр деп санайды.