Назарбаев Ұйғыр ауданының атауын өзгертуге қарсы болды

Алматы облысының экс-әкімі Амандық Баталов неліктен Ұйғыр ауданының атауы өзгермегенін түсіндірді.

Бұл туралы экс-шенеунік журналист Аман Тасығанның YouTube-арнасына берген сұхбатында айтты.

Облыстың бұрынғы басшысының айтуынша, бұл мәселе қайта-қайта көтерілген. Ол тұрғындардың өтініштерін Назарбаевқа да, Тоқаевқа да айтқан.

– Нұрсұлтан Әбішұлы: «Қазақ, орыс, ұйғыр облыстары жоқ, уақыт келеді – өзгертеміз. Қазір уақыт емес». Бізде нұсқалар болды. Жеке өзім қарсы емес едім, керісінше қолдадым. Ауданның атын өзгертемін деген уәде болған жоқ. Мен жергілікті тұрғындарға тек олардың өтініштерін ел басшылығына жеткіземін деп уәде бердім. Бұл бойынша түпкілікті шешімді, әрине, мемлекет басшысы қабылдайды, – деді Амандық Баталов.

Ол әкім болған кезінде Ұйғыр ауданында қазақ жазушылары мен қоғам қайраткерлерінің есімімен аталатын бірнеше көше пайда болғанын айтты.