Назарбаев тайм-аут алып, ел басқарудан бас тартты – Чеботарев

Саясаттанушы Андрей Чеботарев Нұрсұлтан Назарбаевтың Қазақстан халқына арнайы арнаған бейне үндеуі жайлы талдау жасады.

– Әрине, бұл сенсациялық үндеу. Ұзақ уақыт бойы оның қайда екенін, жалпы не болып жатқанын түсіне алмадық және бұл көптеген нұсқалар тудырды. Бірінші әсер: Нұрсұлтан Назарбаев қаңтарда болған жағдайдың барлығына қатты таң қалды. Ол президент Қасым-Жомарт Тоқаевпен, оның мұрагерімен де, басқарушы элитадағы адамдармен, оның ішінде қазірдің өзінде тұтқындалған ҰҚК-нің бұрынғы төрағасы Кәрім Мәсімовпен де айла-шарғы жасауға мәжбүр болуы мүмкін. Осындай жағдайда Нұрсұлтан Назарбаев өзі үшін ең тиімді шешім қабылдағанға ұқсайды, - деді Андрей Чеботарев.

Саясаттанушы Елбасының бейнеүндеуінде Қауіпсіздік кеңесінің төрағасы қызметін Қасым-Жомарт Тоқаевқа тапсырғанын тағы да растағанын атап өтті.

– Біз оның шын мәнінде ел басқару ісіне қатысудан бас тартуға дайын екенін көріп отырмыз. Қасым-Жомарт Тоқаевқа сын сағатта Қауіпсіздік кеңесінің төрағасы қызметін тапсыруы да осының айғағы. Нұрсұлтан Назарбаев «Нұр Отан» партиясының төрағалығын мемлекет басшысына тапсыратынын растады.  Тұңғыш президент отбасының жекелеген мүшелері ел басшылығының шешімімен өз бетінше қызметтерін тастап кеткенімен келісті. Енді оның мүддесі мемлекет басшысы Қасым-Жомарт Тоқаевты, ең болмағанда, елдегі тәртіпті қалпына келтіру тұрғысынан қолдау болса керек, - деп түйіндеді сөзін Андрей Чеботарев.