Назарбаев тәуелсіздік тағылымы туралы мақаласымен бөлісті

Елбасы Нұрсұлтан Назарбаев «Тәуелсіздік тағылымы» мақаласын жарыққа шығарды.

Ол Қазақстанның құрылғанына 30 жыл толуына байланысты Тәуелсіздіктің тағылымы туралы өз ойымен бөлісуді маңызды санаған.

Назарбаев сондай-ақ, азат Қазақстанның перзенттері тәуелсіздікке жету жолымыз қандай сынақтардан, құрбандықтар мен қиындықтардан өткенін білуі керек: 1916 жылғы ұлт-азаттық көтеріліс, азамат соғысы, ашаршылықтың екі толқыны, қуғын-сүргін, Ұлы Отан соғысы, жаппай көші-қон. Бұл жастар өткен тарихты ардақтап, одан дұрыс сабақ алуы үшін қажет. Сондықтан да ол: «Тәуелсіздік – ата-бабамыздың қанының құнына мирас болып қалған басты киелі ордамыз» деп атап өтті.

«Еңбек – адамды қиын жағдайдан құтқарып, жақсы өмірге бағыттайтын ұлы күш, бұған жастайымнан көзім жетті. Сондықтан да жастарға «Еңбек ет, отбасыңды асыра, елге қызмет ет: бұл жеке табыстарыңды да, Отанның игілігін де арттырады» деп қайталаудан жалықпаймын» деді Нұрсұлтан Назарбаев.

Мақалада тәуелсіз Отанымыздың басты байлығы – халық екені атап өтілді. Сондай-ақ, ол шетелде жүрген қандастарымызды елге тартуда қандай шаралар жүзеге асқанын айтты.

«Дүние жүзінде елдің бүкіл халқының саны миллион адамнан аспайтын көптеген елдер бар. Ал, осындай қаншама бұғауларды шетелден қоныстандырып қана қоймай, оларды баспанамен, жұмыспен қамтамасыз етіп, балаларын оқыттық. Ендеше, алдағы уақытта да жалғасын табатын бұл жан-жақты қолдау тек Тәуелсіздіктің арқасында жүзеге асқанын ұмытпауымыз керек» деп өз ойымен бөлісті Елбасы.

Сондай-ақ ол отыз жылдың ішінде қаншама әріптестермен кездесіп, көптеген лайықты кадрларды тәрбиелеп, талай шәкірт тәрбиелеу бақытына ие болғанын айтты.