Назарбаев: Ресей мәлімдемесінен кейін Қазақстан тәуелсіздігін жариялады

1991 жылғы 16 желтоқсанда Қазақстан өз тәуелсіздігін жария етті. Кеңес Одағы құрамындағы одақтас республикалар арасында еліміз өз тәуелсіздігін ең соңғы болып жариялады.

Оның себебін ҚР тұңғыш президенті Нұрсұлтан Назарбаев түсіндіріп берді, деп хабарлайды ОRDA. "КТК" арнасына сілтеме жасап.

«Ресей Кеңес Одағында тірек, ең ірі мемлекет болды, бәрі соның айналасына жиналды. Ресей осындай мәлімдеме туралы жариялағаннан кейін, белгі берді - және бәрі жариялай бастады. Осылайша, біз жалғыз қалдық және тәуелсіз болдық деген қорытындыға келдік, соғыссыз, ұрыссыз, ештеңе жоқ. Міне, егер сіз білмейтін және көрмеген болсаңыз, осындай қорқынышты болды. Мен осындай мемлекеттің тізгінін ұстадым», - деді Нұрсұлтан Назарбаев.

Ал, Укипедия ашық энциклопедиясында төменгі мәліметтер келтірілген:

Қазақстанның Тәуелсіздігін ресми түрде ең алғаш болып мұхиттың арғы жағында жатқан Америка Құрама Штаттары мойындады, екінші болып Қытай, сонан соң Ұлыбритания мойындады. Оның артынан Моңғолия, Франция, Жапония, Оңтүстік Корея және Иран Ислам мемлекеті мойындады. Иран — Қазақстанның тәуелсіздігін мойындаған алғашқы мұсылман мемлекет.

Ал «Тәуелсіздігімізді ең алғаш болып бауырлас Түркия мемлекеті мойындады» деген сөздің ақиқат еместігін білгеніміз жөн. Түркия алғаш болып Қазақстанда өз елшілігін ашты, бірақ тәуелсіздігімізді мойындауда он жетінші болды.

Бұл деректі еліміз Тәуелсіздік алғаннан кейін Сыртқы істер министрінің орынбасары қызметін атқарған, елдің сыртқы саясат тұжырымдамасы авторларының бірі болған Вячеслав Ғиззатов келтірген.

ҚР Сыртқы Істер министрлігінде тіркелген дипломатиялық құжаттарда Түркияның Қазақстан тәуелсіздігін ресми түрде мойындайтын протоколға 1992 жылдың 2-наурызы күні қол қойғандығы көрсетілген.

Алғашқы күндері әлемнің салмақты елдері мойындап, кейіннен басқа да елдер мойындап жатты. Осылайша әлемдік саясат аренасында ҚАЗАҚСТАН деген мемлекет тәй-тәй басты. Небары бірнеше аптаның ішінде әлемнің көптеген беделді елдері Қазақ елінің тәуелсіздігін мойындап, дипломатиялық қатынастар басталды.

Қазақстанда парламент құрылып, соттардың жұмысы ұйымдастырылды, шекара қызметі мен теңіз флоты пайда болды.