Назарбаев Путин туралы өз ойын айтты

Қазақстанның тұңғыш президенті америкалық режиссер Оливер Стоунға берген сұхбатында Ресей президенті Владимир Путин туралы не ойлайтынын айтты.

«Қазақ. Алтын адамның тарихы» атты деректі фильмде Елбасы Ресей басшысын не үшін құрметтейтінін атап өтті және Путиннің өз елінің патриоты екенін баса айтты.

- Ол құрметке лайық. Біріншіден, өзінің принциптері бар. Екіншіден, ол айтса орындайды. Бұл саясаткер үшін сирек кездесетін қасиет. Егер ол бір дүниені айтқан болса, өзіне зияны тисе де, бәрібір жасайды. Осы жылдар ішінде ол достарынан бас тартпайтынын көрсетті. Досқа адал, - деді Назарбаев.

Елбасы Ресей көшбасшысымен алғашқы әңгімесін еске алды.

- 20 жыл ішінде біздің қарым-қатынасымыз тек дамып келеді, нашарлаған жоқ. Ол келгенде мүлдем тәжірибесіз болды, содан кейін ол біртіндеп тәжірибе жинады. Сондықтан мен оны адам ретінде де, саясаткер ретінде де бағалаймын және құрметтеймін, - деді Назарбаев.

Сондай-ақ, ол Ресей президентіне батыстан айтылатын кейбір сындарды «ақымақтық» деп санайтынын атап өтті.

- Батыста оған Гитлермен бірдей баға береді. Бұл жай ғана ақымақтық. Ия, ол КГБ қызметкері, бірақ ол ол жерде ұзақ уақыт жұмыс істемеді, мамандығы бойынша заңгер, КГБ қызметкерлері әрдайым студенттер арасында қабылданды. Мен оны адам ретінде де, саясаткер ретінде де бағалаймын және құрметтеймін, - деді Елбасы.