Назарбаев Қорғаныс министрі және Сапарбаевпен телефон арқылы сөйлесті

Нұрсұлтан Назарбаев Қорғаныс министрі Нұрлан Ермекбаевпен телефон арқылы сөйлесті.

Бұл туралы Orda.kz хабарлайды.

Елбасы сайтында хабарланғандай, әңгіме барысында Қауіпсіздік Кеңесінің төрағасына облыс тұрғындарының қауіпсіздігін қамтамасыз ету және Жамбыл облысы Байзақ ауданында болған төтенше жағдайдың салдарын жою жөнінде қабылданған шаралар туралы ақпарат берілді.

– Әңгіме барысында Қазақстанның Тұңғыш Президентіне Жамбыл облысы Байзақ ауданындағы төтенше жағдайға байланысты өңір халқының қауіпсіздігін қамтамасыз ету бойынша атқарылып жатқан жұмыс жайында мәлімет ұсынылды.

Елбасы барлық зардап шеккен адамдарға көмек көрсетудің және төтенше жағдай салдарын жоюдың маңыздылығын атап өтті, - делінген хабарламада.

Сонымен қатар, Нұрсұлтан Назарбаев Жамбыл облысының әкімі Бердібек Сапарбаевпен телефон арқылы сөйлесті. Тұңғыш Президентке Жамбыл облысы Байзақ ауданындағы төтенше жағдайға байланысты облыс тұрғындарының қауіпсіздігін қамтамасыз ету бойынша жүргізіліп жатқан жұмыстар туралы ақпарат берілді.

Елбасы барлық зардап шеккендерге көмек көрсету және төтенше жағдайлардың салдарын жою бойынша жұмыстың маңыздылығын атап өтті.