Назарбаев Әлиев пен Әбләзов туралы ойымен бөлісті

Нұрсұлтан Назарбаев «Qazaq: history of the golden man» деректі фильміндегі сұхбатында Рахат Әливеті жоғары лауазымға тағайындағанына өкініп отыр.

Бұл туралы Orda.kz хабарлады.

6 шілде «Qazaq: history of the golden man» деректі фильмінің премьерасы өтті. Фильмде режиссер Оливер Стоун елбасынан сұхбат алған. Онда Назарбаев марқұм күйеу баласы Рахат Әлиев туралы сөз қозғады.

– Қаржы полициясы оның қарамағында еді. Осыны пайдаланып, өзгелердің бизнесі мен ақшасын тартып ала бастады. Бір кездері оған: «Тоқта» деп ескерту жасадым. Сол уақытта ол менің күйеу балам, үш кішкентай немеремнің әкесі еді. Қызым, үш немерем мен оның әкесі маған келді. «Мен не істей аламын? Ол – қылмыскер» деп жауап бердім, - деп Назарбаев өз естелігімен бөлісті.

Елбасының айтуынша, бұл жағдай Дариға мен өзіне ауыр тиген.

Еске салсақ, Рахат Әлиев – Дариға Назарбаеваның бұрынғы күйеуі. 2008 жылы «билікті тартып алуға әрекеттеніп, адам ұрлаумен айналысатын қылмыстық топ құрды» деген айып тағылып, ұзақ жылға сотталған. Ал 2011 жылы Вена соты оны Қазақстанға экстрадициялаудан бас тартқан. Төрт жылдан кейін австриялық БАҚ түрмеде Рахат Әлиевтің мәйіті табылды деп хабарлаған. Ол өзіне қол жұмсаған.

Нұрсұлтан Назарбаевтың Мұхтар Әбләзов туралы ойы

Ол жоғары лауазымды адамның өзіне қарсы шыққаны туралы сұраққа

– Мұндай көбінде болған, тек біздің ғана жағдай емес. 1991 жылы Кеңес Одағы ыдырады, бәрі астаң-кестең болды. Мен қызметтес болғандардың бәрі бұрынғы коммунистер еді. Бірақ арасында университет бітірген, нарықтық экономика, капитализмнен хабары барлар кездесті. Бұрынғы тәжірибесі кедергі келтірмес үшін мен 30-32 жыл бұрын оларды қызметке тағайындай бастадым, - деп жауап берді Қазақстанның экс-президенті.