Назарбаев күні мерекелер тізіміне енді

Тұңғыш Президент Нұрсұлтан Назарбаев күні кәсіби мерекелермен қатар мерекелік даталар тізіміне енді.

Бұл туралы «За нами уже выехали» telegram-арнасы хабарлайды.

«Қазақстан Республикасының Тұңғыш Президенті күні мереке күндерінің тізіміне енгізілген. Неге? Міне, мәселе осында. Сонау қыркүйекте Тұңғыш Президент күні мемлекеттік мерекелер тізімінен алынып тасталды. Байқағаныңыздай, енді ол демалыс күні емес. Бірақ таяудағы үкімет қаулысымен бұл дата мерекелік – кәсіби мерекелермен теңестірілді. Міне, ұстаздар күні сияқты, тек Елбасы күні» делінген хабарламада.

Айта кету керек, Тұңғыш Президент күні мемлекеттік мереке мәртебесінде жыл сайын 2012 жылдан 2021 жылға дейін 1 желтоқсанда Назарбаевтың «Сіңірген еңбегін мойындау» ретінде атап өтілді.