Назарбаев ескерткішін құлатқан жігітті азаптаған полицейлер табылды

Назарбаевтың ескерткішін құлатты деген күдікке ілінген Азамат Батырбаев оған кімдердің қысым көрсеткенін тапты. 

Батырбаевтың адвокаты Бауыржан Азанов қылмыскерлерді анықтағанын айтты.

«Батырбаев Азамат өзін азаптаушыларды анықтады» деп жазды Азанов Facebook парақшасында.

Еске салсақ, Батырбаев 5 қаңтарда Талдықорғандағы наразылық акциясына қатысқан. Ол өзге шерушілермен бірге ол Назарбаевтың ескерткішін бұзды.

Талдықорғандық 37 жастағы азаматты құқық қорғау органдары ұстады.

Кейін желіде Батырбаевты полиция ұстап, соққығы жығып, азаптап, денесін ыстық үтікпен күйдіргені туралы ақпарат пайда болды.