Мәжіліс пен мәслихат сайлауына бойкот жариялап, Алматының орталық алаңында билікке қарсы наразылық шарасын өткізген тіркелмеген «Демпартия» ұйымының белсенділерін полиция жасағы 9 сағаттан астам уақыттан кейін қоршаудан босатты.
Жанболат Мамай бастаған белсенділер өздерін қоршап тұрған жасақ жіберген соң да наразылықтарын жалғастырды. Олар қала көшелерін шерулетіп, өздерінің билікке қарсы ұрандарын айтып барып қана тарқады.
Мамай бастаған белсенділер өздерінің 9 сағаттан астам уақыттан қоршауда қалғанының заңсыз екенін мәлімдеп, бұдан кейін де билікке қарсы наразылыққа шыға беретіндерін айтты.
«Назарбаев пен Тоқаевтың билігі масқара болды. Олар бізді 9 cағаттан астам уақыт заңсыз қоршап тұрды. Тіпті дәретханаға жібермеді. Арамызда үш адамның денсаулығы нашарлап, жедел жәрдем шақырттық. Оның өзі бірден келмеді. Олардың бұл әрекеті – адамды азаптау. Олар осы әрекеті арқылы бүкіл әлемге масқара болды» деді Мамай.
