Навальныйды қолдау үшін мектеп оқушылары да митингке шыққан

Кәмелетке толмаған мектеп оқушылары әкімшілік жауапкершілікке тартылған оппозиция жетекшісі Алексей Навальныйды қолдауға арналған митингтерге қатысқан, деп хабарлайды Интерфакс-Ресей.

«Оқушылар мектепішілік есепке алынады, олардың әрқайсысымен жеке профилактикалық жұмыстар ұйымдастырылады», - деп хабарлады Мәскеу қалалық білім департаменті.

Департамент мұндай оқушыларға әлеуметтік-психологиялық және педагогикалық көмек көрсету үшін бәрін жасайтындықтарын атап өтті. Олар үшін мінез-құлықты түзету сабақтары, психологиялық кеңестер, жеке және топтық профилактикалық әңгімелер ұйымдастырылады.

Департаментте Мәскеудегі рұқсат етілмеген акцияға қатысқан кәмелетке толмағандардың саны туралы ақпарат жоқ.

23 қаңтарда Мәскеуде, Санкт-Петербургте және Ресейдің басқа да ірі қалаларында қамауға алынған оппозиционер Алексей Навальныйға қолдау көрсету митингілері өтті. Reuters тілшілерінің айтуынша, Мәскеуде кем дегенде 40 мың адам жиналған. Бірақ Сыртқы және Ішкі істер министрлігі бұл ақпаратты жоққа шығарып, қатысушылар саны 4000 адам екенін хабарлады.