Навальныйға іздеу жарияланды. Ресейге келген бойда оны ұстамақшы

Ресейлік саясаткер Алексей Навальный 2020 жылдың 29 желтоқсанында федералды іздеу тізіміне алынды, деп хабарлайды «Новая газета».

Бұл туралы оның адвокаты Вадим Кобзев мәлімдеді.

 Mash Telegram-каналы Мәскеу департаментінің «сотталған адам бақылаудан жалтарып жүр» деген қаулысын жариялады, сондықтан оған қатысты «алғашқы іздестіру әрекеттері» 2020 жылдың 27 желтоқсанында басталды. Симоновский соты 29 қаңтарда ФСИН-нің Навальныйдың шартты жазасын нақты жазаға ауыстыру туралы ұсынысын қарайды.

Айта кетсек, Алексей Навальный 17 қаңтарда Мәскеуге оралатынын хабарлады.

2020 жылдың 20 тамызында Алексей Навальный Томскіден Мәскеуге ұшқан ұшақтың бортында ауырып қалды. Экипаж Омбы әуежайына шұғыл қонуға шешім қабылдады, содан кейін саясаткер ауруханаға түсті. 22 тамызда науқас Берлиндегі клиникаға жеткізілді.

Көп ұзамай неміс дәрігерлері Алексей Навальныйдың уланғанын хабарлады. Олардың айтуынша, удың ағзадағы әсері тәуелсіз зертханаларда жүргізілген көптеген зерттеулермен расталған.

Неміс дәрігерлері Алексей Навальныйдың Новичок тобының жүйке қоздырғышымен уланғанын хабарлады.