Наурыздағы ҰБТ-ның бағасы мен тестілеу уақыты нақтыланды

Еліміздегі наурыздағы ҰБТ-ға қатысуға өтініштерді қабылдау 15 ақпанда басталып,  25 ақпанға дейін созылады, деп хабарлайды Orda.kz.

Оған Ұлттық тестілеу орталығының сайтында немесе UTO қолданбасы арқылы тіркелуге болады.

Тестілеудің өзі 1 наурыз бен 5 сәуір аралығында өтеді. Тестілеу құны – 5640 теңге тұрады.

ҰБТ-ға кімдер қатыса алады:

• орта білім беру ұйымдарының 11 (12) сыныптарын бітіретін оқушылар;

• шартты түрде ақылы негізде күндізгі бөлімде оқуға түскен студенттер;

• өткен жылдардағы мектептер мен колледждердің түлектері (толық оқу мерзіміне);

• Қазақстан Республикасының азаматтығы жоқ, ұлты қазақтар;

• шетелде соңғы 11 (12) сыныпта оқитын Қазақстан Республикасының азаматтары.

Тіркелу кезінде қатысушылар ҰБТ өтетін күнін, уақыты мен орнын өздері таңдайды.