Наурыз мерекесінің құрметіне қойылған еліміздегі есімдер

Наурыз мейрамын тойлау кезінде Бірінші несие бюросының сарапшылары еліміздің қанша тұрғынының осы мерекеге байланысты есім иеленгенін санап шықты. Бір қазақстандықтың Наурыз-Мейрам деген ерекше есімі бар, деп хабарлайды Orda.kz.

Сонымен еліміздің бірқатар азаматтары көктемнің басты мерекесі – Ұлыстың ұлы күні құрметіне қойылған есімнің иесі, толығырақ айтсақ:

Наурызбек – 3206 адам;

Наурызбай – 2940 адам;

Наурызхан – 272 адам;

Наурызгүл – 241 адам;

Наурызжан – 51 адам;

Наурыз-Мейрам – 1 адам.

Сарапшылар барлығын Ұлттық статистика бюросының «Мен сияқтылар қанша?» қызметін пайдалана отырып зерттеуге қатысуға шақырады: есімді енгізіп, елде Сізбен аттас қанша адам бар екенін көруіңізге болады.