Наурыз айындағы ҰБТ басталды: бірінші күні 775 адам тестілеуден өтеді

Елімізде ҰБТ басталды, ол 6 сәуірге дейін жалғасады. Қазір оған қатысуға 163 мыңға жуық адам өтініш білдірген, деп хабарлайды Orda.kz

Оның 76 пайызы қазақ тілін, 23,9 пайызы орыс тілін, 162 адам ағылшын тілін таңдаған.

Мамандандырылған пәндердің ең танымалы «Биология-химия» – 17,5% болды. Бұл пәндерді болашақ дәрігерлер, мұғалімдер, ауыл шаруашылығы мамандары таңдайды. Одан кейін болашақ инженерлер мен IT мамандары «Математика-Физика» – 17,1% және «Математика-Информатика» – 10,5% пәндерін таңдады.

ҰБТ-дағы пәндер саны үш міндетті және екі таңдау бойынша болып, өзгеріссіз қалды. Тапсырмалар саны 120, оның ішінде «Қазақстан тарихы» бойынша 20, «Оқу сауаттылығы» бойынша 10, «Математикалық сауаттылық» бойынша 10 және екі негізгі пән бойынша 40 тапсырма. Ең көп ұпай саны – 140.

Тестілеу уақыты 4 сағат (240 минут). Ерекше білім беру қажеттіліктері бар балалар үшін қосымша - 40 минут уақыт беріледі.

Наурыздағы ҰБТ-ға шартты түрде ақылы негізде жоғары оқу орнының күндізгі бөліміне түсетіндер, мектеп пен колледждерді бітірген түлектер, Қазақстан азаматы емес қазақтар, сондай-ақ ақылы негізде ЖОО-ға түсуді жоспарлаған биылғы түлектер қатысады.

2025 жылдың 10 ақпанында 164 мыңға жуық адам тапсырған қаңтардағы ҰБТ аяқталды. Орташа балл 65,8, ең жоғары балл – 139 болып, барлығы 186 талапкер 130-дан жоғары балл жинады.