Наталья Садықова күйеуін кім өлтірмек болғанын айтты

Наталья Садықова Украина полициясы «Бәсе» youtube арнасы авторына оқ атқан екі Қазақстан азаматын ұстағанын айтты.

Бұл туралы Айдос Садықовтың жұбайы Наталья Садықова Facebook парақшасында жариялады.

Оқ атқандардың бірі 1991 жылы туған Мейрам Қаратаев болса, екіншісі және 1988 жылы туған Алтай Жақанбаев болып шықты. Мейрам Қаратаевтың Қостанай облысының полиция қызметкері екені анықталды.

«Украина полициясы Айдос Садықовты өлтірмек болған қылмыскерлерді тапты. Олар Қазақстан  азаматтары болып шықты. 1991 жылы 9 мамырда туған Мейрам Қаратаев және 1988 жылы 8 ақпанда туған Алтай Жақанбаев. Бұл арамзалар бұйрық алып, 2 маусымда Киевке келіп, жалдамалы пәтерде тұрған. Айдостың соңынан аңдып, қастандық  жоспарлады.

Оның үстіне Мейрам Қаратаев Қостанай облысы ІІД қызметкері, қызметкерлер арасында оқ ату жарысында бірінші орынды иеленген сұрмерген.

Мен Тоқаевтың тапсырысымен қастандық жасады дегенде қателеспеген екенмін. Оқ атқан нағыз мерген дегенім де айдай келді. Менің украиндықтарға деген алғысым шексіз. Қазір Айдостың жағдайы бір қалыпты.  Қолдауларыңыз үшін баршаңызға рахмет» деп жазбасын аяқтады Наталья Садықова.

Бұған дейін Наталья Садықова Айдос Садықовтың өміріне қастандық жасады деп президентті айыптаған болатын.