NASA Қытайдың Айды зерттеуіне алаңдайды

Қытай билігі АҚШ-пен ғарыштық жарыста жеңіске жетсе, Айдағы аумаққа құқықтарын талап ете алады. Бұл туралы америкалық ғарыш агенттігінің басшысы Билл Нельсон ескертті.

NASA (Ұлттық аэронавтика және ғарыш басқармасы)  басшысы АҚШ-тың бұл салада Қытаймен бәсекеге түсіп жатқанын айтты, деп хабарлайды Politico.

— Алдымен олардың ғылыми зерттеулер сылтауымен ресурстарға бай аймақтарды иеленіп алмайтынына көз жеткізгеніміз жөн, - деді Билл Нельсон

Оның айтуынша,  Қытай бекініп алса  американдықтарды айдағы  «өздерінің»  аумақтарына жібермейді деген күдік басым.

NASA басшысы салыстырмалы түрде Оңтүстік Қытай теңізіндегі жағдайды атап өтті, онда Қытай әскерилері даулы аумақтарға өз базаларын орналастырған.

25 желтоқсанда Қытай аэроғарыштық ғылым және технология корпорациясы (CASC) өздерінің ғарышкерлері 2030 жылға қарай Айға орналасып, халықаралық Айды зерттеу стансасын құратынын хабарлады.