Нархозда студент қыз харассмент туралы арызданған деканат қызметкері жұмыстан шеттетілді

Әлеуметтік желідегі жазба туралы студентпен Нархоз университетінің президенті Қанат Қожахмет кездесті.

Кездесу қорытындысы бойынша студенттің «Платонус» ақпараттық жүйесіне тіркелуіне қатысты жағдай жақын арада шешілетін болды. Студент оқуын жалғастыра алады. Сонымен қатар, университеттің ақпараттық қауіпсіздігін қамтамасыз ету шаралары жетілдірілетін болады.

Қазіргі уақытта деканат қызметкері жұмыстан уақытша шеттетілген. Бұл оқиға бойынша соңғы шешім Әдеп жөніндегі комиссияның қорытындысы бойынша қабылданады.

Нархоз университеті басқа адамдарға қолайсыздық тудыратын мінез-құлықтың кез келген түрін үзілді-кесілді қабылдамайды және жеке өмірге араласуға жол бермеу принципін ұстанады, бұл қазіргі харассментке қарсы саясатпен расталады.

Жағдай Нархоз университеті президентінің жеке бақылауында, ішкі тексеру жүргізілуде.