«Наразы халық»: Бір сағаттан кейін Қостанай облысында жарылыс болады

Қостанай облысында Жітіқара элеваторын жаруға дайындық жүргізіліп жатыр. Алайда тұрғындар жарылыс жасап, алтын өндіруге наразылық білдірді.

Бұл туралы Власть өзінің telegram арнасында хабарлады.

«Қарагандавзрывстройсервис» ЖШС қызметкерлері Жітіқара элеваторындағы негізгі корпусты жаруға дайындық жасап жатыр. Жарылыс жұмыстары шамамен бір сағаттан кейін жүзеге асырылмақ. Бұл жергілікті тұрғындарды алаңдатып отыр.

Бұл жұмыстар элеватордың астында алтын өндіруге байланысты басталды. Ал элеватордың өзі Пригородный ауылынан небәрі 115 метр қашықтықта орналасқан. Тұрғындар бұл жобаның өз үйлерінен 100-500 метр қашықтықта орналасуын қауіпті санап, наразылық білдірді.

Бүгін жарылатын негізгі корпус тұрғын үйлерден 500 метр қашықтықта орналасқан.