«Наполи» Италия чемпионатын мерзімінен бұрын жеңіп алды

Италиядағы А сериясының 33-ші турындағы ойында «Наполи» сырт алаңда «Удинеземен» 1:1 есебімен тең ойнап, ел чемпионатының аяқталуына бес тур қалғанда Италия чемпионы атанды.

Неаполитандықтар енді қуып жете алмайды: олар ең жақын келе жатқан «Лациодан» 16 ұпайға озып кетті.

Бұл лига чемпионы «Наполи» тарихындағы үшінші титулы болды. Неаполитандықтар соңғы рет 1990 жылы Италия чемпионы атанған, ол кезде олар үшін аты аңызға айналған аргентиналық Диего Марадона ойнаған.

Бір қызығы, «Наполи» командасының бас бапкері Лучано Спаллетти де мансабында үшінші рет ел чемпионы атанды. Алғашқы екі титулды ол ресейлік «Зенитті» жаттықтырған кезде жеңіп алды.

Және тағы бір қызықты жағдай Лучано Спаллетти Италия чемпионатында жеңіске жеткен ең қарт бапкер атанды. Ол 64 жасында 58 күнде «Наполиден» Скудеттоны алды.