Нөсер жаңбыр, бұршақ, екпінді жел: 7-9 шілдеге ауа райы болжамы

«Қазгидромет» РМК баспасөз қызметі 7-9 шілдеге ауа райы болжамын ұсынды.

Синоптиктердің болжауынша, Қазақстанның басым бөлігінің ауа райына оңтүстік циклон әсер етеді.

«Найзағаймен бірге жаңбыр, бұршақ жауады, жел күшейеді: 7 шілдеде солтүстік-батыста, 7-8 шілдеде солтүстікте, орталықта, оңтүстік-шығыста, 8-9 шілдеде республиканың шығысында қатты жаңбыр жауады деп болжануда. Тек Қазақстанның батысы ғана батыс антициклонының ықпалында, онда жауын-шашынсыз ауа райы күтіледі» деп хабарлады «Қазгидромет» РМК.