Нұрсұлтан Назарбаевтың Jusan Ventures компаниясы БЖЗҚ-ға 196 млн теңге төледі

Jusan Ventures қазақстандық зейнеткерлерді нарықтан төмен бағамен (8 297 теңгенің орнына 5 750 теңге) акцияларды мәжбүрлеп сатып алу арқылы 196 млн теңгеден астам ақшаға алдап кеткен. БЖЗҚ зейнетақы активтерінің портфеліне «Jusan Mobile» АҚ («KazTransCom» АҚ) 77 073 дана көлеміндегі акциялары кірді.

Бұл туралы БЕСсимптомно telegram-арнасы хабарлады.

БЖЗҚ сотқа дейінгі талап арыздан кейін Jusan Ventures 196 304 931 теңге айырманы төлегенін хабарлады.

Миноритарлық үлескерлердің бірі болмаса, БЖЗҚ Елбасы компаниясының зейнеткерлерді алдағанын білмес еді. Ол сотта Jusan Ventures акцияларды нарықтық бағадан төмен бағамен қайтарып алғанын дәлелдеді.

Еске салсақ, «KazTransCom» АҚ телекоммуникация компаниясының миноритарлық акционері Райхан Ниязова сотта Jusan Ventures акциялары нарықтық бағадан төмен бағаға (8 297 теңге орнына 5 750 теңге) мәжбүрлеп сатылғанын дәлелдеді. Оған 8,6 млн теңгеден астам шығын келтірілген.

БЖЗҚ-ға тиесілі акциялар бойынша кері сатып алу бағасы мен әділ құны арасындағы айырмашылық 196 млн теңгеге жетті. Қор қазақстандықтардың зейнетақы ақшасына «KazTransCom» АҚ-ның 77 073 жай акциясын сатып алды, олар да арзан бағамен мәжбүрлі түрде сатып алынды.

Миноритарлық акционер Ниязованың талап арызы бойынша сот шешімі заңды күшіне енгеннен кейін БЖЗҚ «Jusan Ventures» компаниясына акциялар құнының айырмасын төлеуді талап етіп, сотқа дейінгі талап арызын жолдады.

Тұңғыш Президент – Елбасы Нұрсұлтан Назарбаев Jusan компаниялар тобына иелік етеді.