Нұрсұлтан Назарбаев көмекшісі Бисембаевты қайта тағайындады

Нұрсұлтан Назарбаев өзінің көмекшісі Абай Бисембаевты қайта тағайындады. Бұл туралы Елбасының баспасөз хатшысы Айдос Үкібай мәлімдеді

«Бүгін Елбасы өзінің көмекшісі Бисембаев Абай Айдарханұлын қайта тағайындады, ол Қазақстан Республикасы Президенті Іс Басқарушысының бірінші орынбасары қызметінен босатылды» делінген хабарламада.

Абай Бисембаев 1967 жылы 21 мамырда Көкшетау облысында дүниеге келген. 1992 жылы Ломоносов атындағы Мәскеу мемлекеттік университетін «Әлеуметтік және саяси қатынастар теориясы» мамандығы бойынша бітірген. 1996 жылы Қазақ мемлекеттік басқару академиясы жанындағы Нарық институтын қаржы және несие мамандығы бойынша бітірген.

Еңбек жолын 1984 жылы Көкшетау облысы құрылыс-монтаж басқармасының жұмысшысы болып бастаған.