Нұрсұлтан Назарбаев дағдарыс жағдайына қатысты мәлімдеме жасады

Үлкен Еуразияда диалог пен сенім институтын нығайту қажет. Бұл туралы Қазақстан Республикасының тұңғыш президенті Нұрсұлтан Назарбаев Astana Club 2021 отырысында мәлімдеді.

– Әлемде байқалып отырған дағдарыстық жағдай Еуразия кеңістігіндегі ынтымақтастықтың жаңа тәсілдерін әзірлеуді талап етеді. Біріншіден, Үлкен Еуразиядағы диалог пен сенім институтын нығайту қажет. Әсіресе еуразиялық бөлігінде. 1992 жылы мен АӨСШК құру туралы бастама көтердім. Осы жылдар ішінде Кеңес өзінің өзектілігін дәлелдеді, - деді Назарбаев.

Оның айтуынша, бүгінде Конференция 27 мемлекетті біріктіреді, осы уақыт ішінде АӨСШК-нің 5 саммиті өтті, халықаралық форумның беделі артып келеді.

– Осыған байланысты біздің ойымыз АӨСШК-ті Азиядағы қауіпсіздік архитектурасының орталық элементіне айналдыру. АӨСШК ашық құрылым ретінде Азияда жан-жақты диалог орнату үшін оңтайлы платформа бола алады деп есептеймін. Келесі жылы АӨСШК құрылғанына 30 жыл толатынына қатысты мерейтойлық саммитін өткізу жоспарлануда. Мен бұл іс-шараның жоғары деңгейде жақсы әрі мазмұнды дайындалуының арқасында Еуразияның азиялық қауіпсіздік пен тұрақтылықты нығайту процесінде серпіліс жасауға мүмкіндігі болатынын қолдаймын, - деді Елбасы.