Нұрислам Санаев жартылай финалда қарсыласын тістеп алған

Токио 2020 Олимпиада ойындарының қол жүлдегері еркін күрес спортшысы Нұрислам Санаев жартылай финалдағы белдесу кезінде үндістандық қарсыласын тістеп алды.

Бұл туралы Orda.kz хабарлайды.

Үндістандық спортшы Рави Кумардың жерлестері Нұрислам Санаевтың бұл әрекетіне реніштерін білдірді. Себебі, спорт ережесі бойынша тістеуге тиым салынған.

Noor Islam doing what he could do the best. pic.twitter.com/qFaxy8E6MT

— Aaj Ki Taza Khabar (youtube channel) (@AKTKadmin) August 4, 2021

Біріккен күрес әлемі бұл оқиғаны қарастырып көрді, нәтижесінде федерация «күтпеген жағдайдағы реакция» деп бағалап, ешқандай санкция салынбайтын болды.

Ұлттық олимпиадалық комитетке Санаев Кумардың өзіне «ең ыңғайсыз» қарсылас екенін айтқан.

– Үндістаннан келген қарсыласпен екі рет кездесіп, екі рет жеңілдім. Ол өте жақсы балуан. Мен үшін Кумар - менің салмақ дәрежемде өнер көрсететіндердің ішіндегі ең ыңғайсыз қарсылас,- дейді спортшы.

Үндістандық спортшының өкілдері шағымданған, бірақ өздерінің палуандары да ресейлік Угуевты финал кезінде тістеп алған. Дегенмен ол қанша тырысқанымен жеңіліп қалды.