Нұрболат Айдапкелов Ұлттық статистика бюросының басшысы қызметінен босатылды

Нұрболат Айдапкеловты Ұлттық статистика бюросының басшысы қызметінен босату туралы бұйрық Ақорда сайтында жарияланды.

«Мемлекет басшысының шешімімен Нұрболат Серғалиұлы Айдапкелов ҚР Стратегиялық жоспарлау және реформалар агенттігі Ұлттық статистика бюросының басшысы қызметінен босатылды» делінген ресми хабарламада.

Айдапкелов Нұрболат Серғалиұлы 1979 жылы 22 шілдеде дүниеге келген.

2000 жылы Қазақ мемлекеттік басқару академиясын «Есеп және аудит» мамандығы бойынша бітірген. 2002 жылы - Қазақ гуманитарлық-заң университеті «Заңгер» мамандығын оқыған.

Мемлекеттік әкімшілік қызмет корпусының кадр резервіне алынған.

Еңбек өтілі:

• ҚР Статистика агенттігінің «IVC» РМК қызметкері (01.2001-11.2003);
• «Экспорттық несиелер мен инвестицияларды сақтандыру жөніндегі мемлекеттік сақтандыру корпорациясы» АҚ қаржы бөлімінің бас маманы, директоры (2003-2007);
• «ҚазАгро» ҰХ» АҚ басқарушы директоры (2007-2008);
• «ҚазАгроГарант» АҚ басқарма төрағасы (2008-2009);
• «Astana Knowledge City» АҚ кеңесшісі (2009-2011);
• ҚР Статистика агенттігі төрағасының орынбасары (2009-2011);
• ҚР Статистика агенттігінің жауапты хатшысы (2011-2013);
• Статистика агенттігінің Әлеуметтік-демографиялық статистика департаментінің директоры (2013-2014);

• коммерциялық құрылымдарда басшылық қызметтер атқарды (01.2015-05.2016);
• ҚР Ұлттық экономика министрлігі Статистика комитетінің төрағасы (26.05.2016-10.2020);
• ҚР Стратегиялық жоспарлау және реформалар агенттігі Ұлттық статистика бюросының басшысы (10.2020 ж. бастап).