Нұралы Әліп Зенитте: қазақ футболының «аңыз адамы» шыға ма?

«Манчестер Юнайтед» пен Ресей құрамасының бұрынғы футболшысы Андрей Канчельскис қазақстандық қорғаушы Нұралы Әліптің «Зенитке» ауысуына қатысты пікір білдірді.

«Командаға ол қорғаныс аймағын жабу үшін қажет болды. Танылу маңызды емес. «Зенитті» жарнамалау керек пе? Бұл онсыз да танымал команда. Әліп қорғанысты күшейтеді. Маусымның екінші бөлігін қалай ойнайтынын, өзін көрсете ала ма, көреміз. Сонда Питерлықтар шешім қабылдайды.

Мүмкін Әліп «Зенитте» қазақ футболының «аңыз адамына» айналар. Бұл маған Пак Джи Сунның Манчестер Юнайтедке ауысуын еске түсірді. Қазақстан Оңтүстік Корея емес. Корейлер көп ақша төледі. Қазақстан мұны істей алмайды. Ауысудың бірінші себебі - жүз пайыз проблемалық аймақ. Қалғаны: бұл жарнама ма, жоқ па, екінші мәселе» деді Канчельскис.

Еске салсақ, кеше Қазақстан құрамасының және алматылық «Қайраттың» футболшысы Нұралы Әліптің ауысқаны, сондай-ақ келісім-шарт талаптары туралы хабарнанды.