Нұр-Сұлтанның сол жағалауында тұрақта тұрған көлік өртеніп кетті

Елорданың сол жағалауындағы автотұрақта тұрған жеңіл көлік толығымен жанып кетті. Алдын ала айтылған болжам бойынша өрт көліктегі электр сымдарының қысқа тұйықталуынан шығуы мүмкін.

Оқиға куәгерлері түсірген видео әлеуметтік желілерде тарады. Оқиға  сенбі,  13 наурыз күні  таңертең болған.

– Өрт сөндіру қызметінің кезекші бөліміне сағат 07.34-те Қонаев көшесі, 14/2 мекенжайындағы тұрақта автокөліктің өртеніп жатқаны туралы қоңырау түсті. Оқиға орнында ВАЗ 2114 автокөлігінің өртенгені анықталды, делінген төтенше жағдайлар жөніндегі департамент хабарламасында.

Өртенген көлік иесі оқиға орнында  болмаған. Дегенмен өрт 12 минут ішінде толық сөндірілді. Оқиға салдарынан зардап шеккендер жоқ.