Нұр-Сұлтанның санитарлық дәрігері қала тұрғындарына жүгінді

Нұр-Сұлтанның бас мемлекеттік санитарлық дәрігері Сархат Бейсенова Халықаралық әйелдер күні қарсаңында астаналықтарға үндеу жасады, деп хабарлады ORDA.

— Мерекелер қарсаңында қала тұрғындары мен елорда қонақтарын карантиндік шараларды сақтауға шақырамын. Маска режимі мен әлеуметтік қашықтықты сақтап, мүмкіндігінше, адамдар көп жиналатын орындарға бармаңыздар, деді Сархат Бейсенова брифингте.

Ол коронавирустық инфекцияға қарсы жүргізілген шектеу және эпидемияға қарсы шаралардың арқасында қаңтармен салыстырғанда Нұр-Сұлтанда коронавируспен сырқаттанушылық 33,8 пайызға төмендегенін атап өтті.

Қазір Нұр-Сұлтан «сары» аймақта.

Тәулігіне 68 коронавирустық жағдай тіркелді, оның ішінде 37 симптоммен, 31 симптомсыз.