Нұр-Сұлтанда асфальт тесіліп, көлік құлай жаздады

Нұр-Сұлтанда орталық көшедегі жолдың ортасында пайда болған тесікке көлік түсіп кете жаздады. Көлікті шығаруға жақын маңайда болған жүргізушілер көмектесті.

Бұл туралы Нұр-сұлтан әкімдігінің баспасөз қызметіне сілтеме жасап Orda.kz хабарлайды.

Елордада Уәлиханов пен Қараш көшелерінің қиылысында жол төсемі бұзылған. Жолды жөндеу жұмыстарын дұрыс атқармаған мердігер ұйым жауапкершілікке тартылады.

— Жол төсемінің істен шығуы мердігер ұйымның тесу әдісімен диаметрі 300 мм СДР 17 құбырын төсеу кезінде жұмыс технологиясының сақталмауынан орын алды. Нәтижесінде нөсерлік кәріз коллекторы су астында қалып, жол төсемінің шағын учаскесінде шұңқыр пайда болды, - деп хабарлады баспасөз қызметі.

Қазір учаске қоршалып, апатты көму жұмыстары жүргізілуде. 19 сәуірде әкімдік, ШЖҚ «Elorda Eco System» МКК, сондай-ақ ЖП ӘПБ басқармалары жол төсемін қалпына келтіру жұмыстарын жүргізеді.