Нұр-Сұлтандықтарға ауызашар ұйымдастыруға тыйым салынды

Санитарлық дәрігерлердің айтуынша, Рамазан айындағы ауызашар эпидемиологиялық жағдайды ушықтыруы мүмкін. Наурыздан бастап елордада КВИ-мен жаңа инфекциялардың саны өсуде.

Бұл туралы Orda.kz хабарлады.

Нұр-Сұлтанның бас мемлекеттік санитарлық дәрігері Сархат Бейсенова қасиетті Рамазан айы қарсаңында елорда тұрғындарына үндеу жасады.

Оның айтуынша, адамдар үлкен отбасылық жиындардан бас тартса жақсы болады.

– Біз барлық қала тұрғындарынан мейрам кезінде түсіністікпен қарап, карантиндік режимді қатаң сақтауын сұраймыз. Біз адамдардың рухани діни сезімдерін қатты құрметтейміз, бірақ вирус пандемиясы кез-келген адамның денсаулығына қауіп төндіреді. Осыған байланысты Нұр-Сұлтан қаласының санитарлық-эпидемиологиялық бақылау департаменті барлық шектеу шараларын ескеруді және сақтауды, атап айтқанда, ұжымдық іс-шараларды, соның ішінде үйде ауызашар өткізбеуді ұсынады, - деді дәрігер брифингте.

Биылғы Рамазан айы 13 сәуір мен 12 мамыр аралығында өтеді.