Нұр-Сұлтанда жолаушылар автобусы бағдаршамға соғылды

№28 жолаушылар автобусы жаяу жүргіншілер өткеліндегі бағдаршамға соғылды. Жүргізушіге қатысты әкімшілік хаттама толтырылды.

«7 мамырда Керей Жәнібек хандар-Ақмешіт көшелерінің қиылысындағы  жол айрығында тыйым салынған бағдаршамға өтіп бара жатқан автобус жүргізушісі көшені жарықтандыру бағанасына соқтығысуға жол берді»  делінген  елордалық ПД хабарламасында.

Оқиғадан ешкімнің зардап шекпегені атап өтілді. Соған қарамастан, жүргізушіге қатысты ҚІЖК 610-бабының 1-бөлігі бойынша әкімшілік хаттама толтырылды.

Нұр-Сұлтан қаласының полиция басқармасы жүргізушілерден жолда сақ болып, жол ережесін қатаң сақтауға шақырды.