Нұр-Сұлтанда жоғалып кеткен 19 жастағы қыз өлі табылды

Нұр-Сұлтанда жоғалып кеткен 19 жастағы қыз өлі күйінде табылды.

Бұл туралы Orda.kz хабарлайды.

Қыздың анасы полицияға 19 қыркүйек күні сағат 11.00-де үйден шығып кетіп, үйіне қайтпағаны туралы жүгінген. Бойжеткенді іздеу үшін қалалық полиция бөлімінің жеке құрамы, Ұлттық ұланның жеке құрамы, сондай-ақ еріктілер жұмылдырылған.

Куәгерлер қызды соңғы рет Бараев көшесіндегі көпірден көрген. Іздеуге сүңгуірлер тобын тарту туралы шешім қабылданды.

– 22 қыркүйек күні сағат 11.20-да жедел-іздестіру шаралары кезінде полиция қызметкерлері Төтенше жағдайлар министрлігінің жедел-құтқару жасағымен бірге Есіл өзенінен бойжеткеннің мәйітін тапты, - деп хабарлайды Нұр -Сұлтан ПД баспасөз қызметі.

Аталған факті бойынша қылмыстық іс қозғалды, сот-медициналық сараптама тағайындалды.