Нұр-Сұлтанда жасөспірім біреудің көлігін сатып жіберген

Елорда тұрғыны Нұр-Сұлтан полициясына жүгінді. Ер адам түнде Бейбітшілік көшесіндегі үйдің ауласынан белгісіз біреу ақауы бар Lada Priora көлігін ұрлап кеткенін хабарлады.

«Автокөлік иесі кілтті көліктің ішінде тастап, есіктерін жаппай ұзақ уақытқа кеткен. 17 жастағы жасөспірім бұл жағдайды пайдаланып қалған. Өзін көлік иесімін деп таныстырған жас жігіт көлікті арзан бағаға сатып алуға ұсыныс жасаған. Сатып алушы тауарды сүйретіп алып кеткен. Аталған факті бойынша сотқа дейінгі тергеу амалдары жүргізілуде. Кәмелетке толмағанды ​​ювеналды полиция қызметкерлері ерекше бақылауға алды» деді комендатурада.

Жасөспірімнің мінез-құлқын кәмелетке толмағандар істері және олардың құқықтарын қорғау комиссиясы тексеріп, оны девиантты мінез-құлықты балаларға арналған арнайы мектепке жіберу туралы шешім қабылдады. Соңғы шешімді сот шығарады.