Нұр-Сұлтандағы жол апатынан 5 адам қаза тапты

Нұр-Сұлтандағы жол апатынан 5 адам қаза тапты. Қайғылы оқиға 30 қыркүйекке қараған түні болған.

Бұл туралы Orda.kz хабарлайды.

– Сағат 00.34-те 19 жастағы Toyota Camry жүргізушісі Есіл өзенінің бойынан Сарайшық көшесіне қарай жүретін көпірдің бойымен жүріп өтіп, жылдамдықты сақтамай, қарсы жолаққа шығып кеткен. 28 жастағы жүргізуші басқаратын Nexıa Ravon автокөлігімен соғысқан, - деп хабарлады елорданың полиция департаменті. 

Жол-көлік оқиғасы салдарынан 5 адам қайтыс болып, 1 адам жарақат алды. Жүргізушілер де, үш жолаушы да оқиға орнында көз жұмды. Toyota Camry жолаушыларының бірі ауыр жағдайда ауруханаға жеткізілді. Аталған факті бойынша ҚР Қылмыстық кодексінің 345 -бабы 4 -бөлігі бойынша қылмыстық іс қозғалды, - деп хабарлады департаментте.