Нұр-Сұлтандағы болашақ ең үлкен мешіттің металл құрылымы құлап түсті (видео)

Бұл жоба бойынша Орталық Азиядағы ең үлкен мешіт болуы керек.

Нұр-Сұлтанда жаңа мешіт салынып жатқан жерде темір құрылымдары құлады, деп хабарлайды Liter.kz

Болашақ ең үлкен ғимараттың аралық темір құрылымдары мен басқа да құрылыс бөлшектерінің құлағанын түсірген видео алғаш Qumash Telegram каналында жарияланды.

«Мен тағы басқа нәрсе туралы жазғым келеді, бірақ мемлекет  ыдырап барады. Елордада Орталық Азиядағы ең үлкен болады деген жаңа мешіттің құрылыс алаңында металл құрылымы құлап, астындағы екі кранды басып қалды», - делінген бейнетүсірілімге қосылған жазбада.

Осы материалды Qumash-пен бөліскен дереккөз оқиғаның 20 ақпанда болғанын айтады. Ол өз кезегінде мессенджер арқылы бейнежазбаны  басқа адамдардан да алған. Оның айтуынша, құрылыс алаңында ешкім зардап шеккен жоқ.

Нұр-Сұлтан қаласының Төтенше жағдайлар департаменті бұл факт бойынша түсінік бермеді, себебі оларға мұндай ақпарат түспеген.