Нұр-Сұлтанда вакцинацияға қарсы митинг басталды
Нұр-Сұлтанда Денсаулық сақтау министрлігі ғимаратының алдында наразылық білдірушілер тобы жиналды. Олар COVID ауруын анықтауға арналған әр түсті QR кодтарының күшін жоюды талап етті.
Наразылық білдірушілер Денсаулық сақтау министрі Алексей Цойдың алдарына шығуын талап етеді. Айтарлығы QR код жүйесін Денсаулық сақтау министрлігі емес, Цифрлық даму, инновациялар және аэроғарыш өнеркәсібі министрлігі енгізіп жатыр.
Денсаулық сақтау министрлігі бұған дейін адамдарды санаттарға бөлу үшін әртүрлі түстерді саралау бойынша пилоттық жоба жариялаған.
Бірінші кезеңде «Ашық» мобильді қосымшасын қолдана отырып, бірқатар қоғамдық ұйымдарда QR коды бойынша рұқсат жүйесін енгізу жоспарлануда.
Азаматтық белсенді Баян Мирас адамдарды түстерге бөлу азаматтардың конституциялық құқықтарын бұзады дейді.
«Біз әртүрлі түстерге бөлінгіміз келмейді. Вакцинацияға сенбейміз, адамдар бұл екпені алуға міндетті емес», - деді белсенді.
Наразылық білдірушілерге Цифрлық даму, инновациялар және аэроғарыш өнеркәсібі министрлігінің өкілі Мақсат Төлегенов келіп, QR кодтары бар қосымшаның бизнес өкілдеріне қатысты болатынын және өз еркімен екенін түсіндірді.
«Бұл қосымшаның вакцинамен ешқандай байланысы жоқ. Бұл қосымша бизнеске шектеулі жағдайда жұмыс істеуге мүмкіндік береді. Қазір барлығында ауру белгілері байқала бермейді, симптомсыз адамдар да бар. Осы қосымшаның көмегімен мекеме иелері келушілердің жағдайын бақылай алады. Сондай-ақ ПТР сынағы оң болған жағдайда келушіні басқа кірушілердің қауіпсіздігі үшін мекемеге кіргізбей, оқшаулайды», - деп түсіндірді ол.
Ashyq мобильді қосымшасында «түрлі-түсті» мәртебелер берілген:
- Ауруханада жатқан коронавирусты науқастарға қызыл мәртебе беріледі. Оларды қоғамдық орындарға жібермейді.
- Ауру адаммен байланыста болғандарда сары түс болады. Оларға тек жақын маңдағы азық-түлік және құрылыс дүкендеріне, сонымен қатар дәріханаларға баруға рұқсат етіледі.
- Көк мәртебе сізге ПТР сынағы қажет болатын жерлерден басқа жерлерге шектеусіз жүруге мүмкіндік береді.
- Жасыл түс қозғалысқа толық еркіндік береді.
Жаңалықтар
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды
- Атырау облысының әкімі Шәпкенов төтенше жағдайларды жою жөніндегі штаб отырысын өткізді
- «Азаттық» тілшісіне қоқан-лоқы жасалды
- Бюджеттегі ысырапшылдық: 500 миллиард теңгеге жуық қаржы құрдымға кетті
- Полиция Жылыой әкімдігі алдында шатыр тігуге бөгет жасады
- Тараз полицейлері тыныс алуы тоқтаған баланы аман алып қалды
- Су басқан аймақтардағы оқушылар емтиханнан босатылады
- Лудомандар санын азайту үшін 80 млн теңге бөлінуі мүмкін
- Новороссийскіге ұшқышсыз шабуыл: Қазақстан мұнайының экспортына қауіп төніп тұр ма?
- БҚО-да түлектердің ақшасына жасалған ұстазға арналған ескерткіш бұзылды
- Антикор Ауыл шаруашылығы министрлігіндегі пара алу ісі бойынша тергеуді аяқтады
- Алматыда жаңа саябақ пайда болады