Нұр-Сұлтанда сауда орталығындағы өрт кезінде 20 жасар қыз терезеден секіріп кеткен

Нұр-Сұлтан қаласындағы сауда орталығында шықан өрттен қашып, 20 жасар бойжеткен ғимараттың терезесінен секіріп кеткен.

Бұл туралы  Orda.kz  Нұр-Сұлтан қаласы төтенше жағдайлар департаментінің баспасөз қызметіне сілтеме жасап хабарлады.  

Куәгерлер оқиға орнынан бейнежазбалар жіберіп,  видеоға жоғарғы қабатта тұрған қыздың терезеден секіріп кеткені түсіп қалған. Бойжеткен жан-жағындағы лаулап жанып жатқан өрттен құтылудың басқа амалын таппаған сыңайлы. Секіріп кеткен 2001 жылғы туылған қыз зардап шекті.

— Өрт сөндіру барысында «Универсал» жиһаз цехының 2001 жылы туған қызметкері зардап шеккен. Қазір ол қыз Травматология және ортопедия ғылыми-зерттеу институтына жеткізілді, жағдайы орташа дәрежеде, - деді департаментте.

Бұған дейін, Нұр-Сұлтандағы «Астықжан» ірі сауда орталығындағы өрт туралы хабарлағанбыз.

Қазір оқиға орнына елордалық 76 өрт сөндіруші мен 19 бірлік техника жұмылдырылды.