Нұр-Сұлтанда сабақ кезінде мектеп отқа орана жаздады

Ел астанасы Нұр-Сұлтанда сабақ кезінде №54 мектеп-лицейінде өрт шықты.

Бұл туралы Orda.kz хабарлады.

Төтенше жағдайлар департаменті баспасөз қызметінің мәліметінше, оқиға үшінші қыркүйек күні сағат 9:04-те болған. Мектептің бірінші қабатында төбеге арналған жылытқыш орнатылды.

- Өрт сөндіру қызметіне Байқоңыр ауданы, Иманбаев көшесі, 4 мекен-жайындағы № 54 мектеп-лицейінде өрт шыққаны туралы хабарлама келіп түсті. Өрт сөндірушілер келген соң, бірінші қабатта төбедегі жылытқыштың бықсып тұрғаны анықталды. Өрт сөндірушілердің жедел әрекеттерінің арқасында 15 минут ішінде өрт толықтай сөндірілді, - деп хабарлады қалалық ТЖД.

Өрт аумағы 8 шаршы метрді құрады. Оқушылар өрт сөндірушілер келгенге дейін эвакуацияланды. Зардап шеккендер жоқ. Оқу процесі жалғасуда. Өртті сөндіруге өрт сөндіру қызметінің 8 қызметкері мен 4 техника жұмылдырылды.