Елордада мемлекеттік бағдарламамен салынған көп қабатты үй құлайын деп тұр. Үйдің сыртқы қаптамасы сынып, жаяу жүргіншілер жолына құлап жатыр.

Бұл туралы Orda.kz Астана телеарнасына сілтеме жасап хабарлады.

Тоғызыншы қабаттан кірпіш сынықтары мен үгітілген құрылыс материалдары жерге құлап, тұрғындардың алаңдаушылығын тудыруда. Тұрғындар үйлерінен шығуға қорқып отыр.

Пәтер иелері биліктен көмек сұраған, олар жөндеу жұмыстарын өз қаражаттарына шешуді ұсынған.

Негізі бұл тұрғын үйдің салынғанына көп бола қоймаған. Тоғыз жыл бұрын ғана мемлекеттік бағдарлама бойынша салынған. Бірақ тұрғындар тарапына шағым көп. Кәріз құбырлары шіріп, ғимарат жертөлесі жаңбыр мен еріген қардың ағынды суына толып қалады. Енді міне, сыртқы бөлігі қирап жатыр, – деп шағымданды халық.

Аудан әкімдігі тұрғындар шағымында көретілгени үйді тексердік деді. Алайда, сараптама қорытындысы шықпайынша ешқандай жөндеу жұмыстары жүргізілмейді. Сондықтан мәселенің жақын арада шешіле қоймайтындығы белгілі.

https://youtu.be/FxQz10y6kNk
Бөлісіңіз: