Нұр-Сұлтанда мас жүргізушінің кесірінен 7 адам зардап шекті

BMW жүргізушісі үш көлікті апатқа ұшыратқаны аздай, оқиға орнынан қашып кетпек болған.

Оқиға бір күн бұрын Нұр-Сұлтандағы Тілендиев даңғылында болған. Оқиғаға кінәлі адам даңғылдың бойымен келе жатып, рөлге ие бола алмай, Toyota Camry көлігімен соқтығысқан.

BMW көлігі KIA көлігіне соғылып, содан кейін екі көлік те қарсы келе жатқан көліктерге шығып, соңғысы Ладаға соқтығысты. Осындай жағдайдан кейін  де жол апатына кінәлі адам «қашып кетуге» тырысып, алға жүрген,  бірақ қайтадан Тойотаға соғылған.

«Оқиға салдарынан түрлі дене жарақаттарымен жеті адам медициналық мекемелерге жеткізілді. Олар медициналық көмек көрсетілгеннен кейін үйлеріне шығарылды. Сараптама қорытындысы бойынша BMW көлігінің жүргізушісі жеңіл дәрежелі алкогольдік масаң күйде болғаны анықталды» деп хабарлады Нұр-Сұлтан қалалық полиция басқармасының баспасөз қызметі.

Жол апаты бойынша тергеу амалдары жүргізілуде.